BATE adpraviŭsia ŭ Kazachstan na matč płej-of Lihi Jeŭropy
Siońnia ranicaj BATE čartarnym rejsam adpraviŭsia ŭ stalicu Kazachstana na pieršy matč raŭnda płej-of Lihi Jeŭropy-2016 z «Astanoj», paviedamlaje sajt biełaruskaha kłuba.
Nahadajem, sustreča projdzie ŭ čaćvier, 18 žniŭnia, i pačniecca ŭ 20.00 pa miascovym časie (17.00 pa biełaruskim). Hulnia budzie pakazana ŭ pramym efiry na «Biełaruś-2» (17:00).
BATE prajhraŭ u trecim raŭndzie kvalifikacyi Lihi čempijonaŭ irłandskamu «Dandałku» (1:0, 0:3) i vybyŭ z turniru, a «Astana» sastupiła «Sełtyku».
BATE hulaŭ u hrupavoj stadyi Lihi Jeŭropy ŭ siezonach 2009/2010 i 2010/2011, kudy vybyvaŭ akurat praz asiečku ŭ kvalifikacyi ŁČ. Biełaruski kłub hulaŭ u hrupavym turniry Lihi čempijonaŭ piać razoŭ, ale sioleta nie los.