Kiroŭca aŭtamabila, jaki vybuchnuŭ na zapraŭcy ŭ Baranavičach, straciŭ nahu
Fota: Alaksandr Korabaŭ
Vybuch hazapavietranaj sumiesi adbyŭsia prykładna ŭ 7.45 na terytoryi aŭtamabilnaj hazanapaŭnialnaj kampresarnaj stancyi h. Baranavičy AAT «Hazprom transhaz Biełaruś» padčas zapraŭki aŭtamabila. Dva pasažyry, adzin ź ich — dzicia, pierad zapraŭkaj vyjšli z sałona i znachodzilisia na placoŭcy dla čakańnia.
Paciarpieŭ kiroŭca mašyny, žychar Kobrynskaha rajona. Jon dastaŭleny ŭ baranavickuju lakarniu z dyjahnazam: traŭmatyčnaja amputacyja levaj nižniaj kancaviny na ŭzroŭni vierchniaj traciny halonki.
Jak miarkujecca, pryčyna zdareńnia — niaspraŭnaść hazavaha abstalavańnia na aŭtamabili VW Touran.