Deputatka z Połacka Hujvik ukazała ŭ dekłaracyi, što atrymała ŭ padarunak $20 tysiač
Na parłamienckich vybarach pa Połackaj haradskoj akruzie №27 pieraabirajecca Natalla Hujvik, kolišniaja sudździa Połacka.
Jana źviartaje na siabie ŭvahu dziakujučy svajoj dekłaracyi ab dachodach. Letaś Hujvik atrymała 289 miljonaŭ rubloŭ — heta štomiesiac pa 24 miljony ($1516). Prykładna takaja ž suma i ŭ inšych deputataŭ.
Ale Hujvik atrymała pa «damovie dareńnia ad fizičnaj asoby» jašče ažno 307,91 miljona rubloŭ. Heta kala $20 tysiač.
Siarod majomaści ŭ jaje zastajecca kvatera ŭ Połacku (56,4 m2), lehkavik «Mazda 3» 2012 hoda vypusku i akcyi «Mastoŭdreva».
* * *
Natalla Hujvik naradziłasia ŭ 1962 hodzie ŭ horadzie Kiraŭ (Rasija). Skončyła Usiesajuzny jurydyčny zavočny instytut.
Pracavała juryskonsultam u Połackim vytvorčym lesanarychtoŭčym abjadnańni, juryskonsultam vajskovaj čaści, sudździoj suda Połackaha rajona i Połacka, źjaŭlałasia staršynioj Połackaha haradskoha Savieta deputataŭ.
Abrańnie Hujvik u pałatu pradstaŭnikoŭ u 2012 hodzie supravadžałasia skandałam. Daterminova i na miescy žycharstva nibyta prahałasavała bolš za 50% (!) udzielnikaŭ vybaraŭ.
Siamja Hujvik — muž Michaił i dačka Volha Alaksandraŭna. Muž pa adukacyi fizik-piedahoh i ŭ dadatak padpałkoŭnik milicyi ŭ adstaŭcy. A dačka, pa słovach, deputatki, pracavała śpiecyjalistkaj pa rekłamie na radyjo «Junistar».