Nazvanaja štodzionnaja norma spažyvańnia cukru dziećmi
Dzieciam va ŭzroście ad dvuch da 18 hadoŭ štodnia varta ŭžyvać u ježu nie bolš za šeść čajnych łyžak (25 hram) cukru. Ab hetym paviedamlajecca ŭ časopisie Circulation.
Adzinuju normu dla dziaciej takoha roznaha ŭzrostu navukoŭcy prapanujuć dla taho, kab hetaja ličba była prostaj i lohka zapaminałasia baćkami i miedycynskimi rabotnikami. Užyvańnie cukru (havorka idzie pra dabaŭlenyja cukry), u kolkaściach, jakija pieravyšajuć dadzienuju normu, uviazvajuć z dadatkovymi faktarami ryzyki sardečna-sasudzistych zachvorvańniaŭ i atłuścieńnia. Dzieci, jakija złoŭžyvajuć napojami i stravami z vysokim utrymańniem cukru, mienš jaduć zdarovaj ježy: sadaviny, harodniny i małočnych praduktaŭ ź nizkim utrymańniem tłušču.
Akramia taho, ekśpierty rajać zusim vyklučyć cukar z dyjety dziaciej da dvuch hadoŭ. U takim uzroście patreba ŭ kałoryjach u ludziej adnosna nievialikaja, i ŭ cukru niama śpiecyjalnaj nieabchodnaści. Akramia taho, mienavita ŭ rańnim uzroście zakładvajucca charčovyja prychilnaści čałavieka, i luboŭ da sałodkaha prymusić dziaciej u budučyni admovicca ad bolš zdarovaha charčavańnia.
«Kali vaša dzicia atrymlivaje štodnia dastatkova kałoryj, kab zachavać zdarovuju vahu, u jaho charčovym «biudžecie» niama miesca niezdarovaj ježy — a mienavita tam znachodzicca bolšaść dabaŭlenych cukraŭ», - adznačyŭ časopis.
Hałoŭnaj krynicaj dadadzienych cukraŭ źjaŭlajecca haziroŭka, enierhietyčnyja napoi, spartyŭnyja napoi i chałodnaja harbata.