Da Dnia horada ŭ Minsku prezientujuć novuju śviatočnuju iluminacyju
U Minsku na ŭčastku praśpiekta Pieramožcaŭ ad vulicy Niamihi da praśpiekta Mašerava da Dnia horada źjavicca novaja śviatočnaja iluminacyja. Takaja infarmacyja raźmieščana na aficyjnym sajcie Minharvykankama.
Staryja hirlandy ŭžo demantavanyja, zamiest ich mantujuć novyja, adznačyli va UP «Minharśviatło». Tak, na adrezku ad vulicy Niamihi da vulicy Mielnikajte iluminacyja budzie ŭjaŭlać saboj hirlandy nad prajeznaj častkaj ź vialikimi šarami mietrovaha dyjamietra pa centry i nitkami roznaj daŭžyni pa bakach. Taksama źjaviacca novyja elemienty na samich aporach uzdoŭž darožnaha pałatna. Učastak ad vulicy Mielnikajte da praśpiekta Mašerava ŭpryhožać hirlandy koleraŭ dziaržaŭnaha ściaha paabapał praśpiekta pamiž lichtarami i čyrvonyja zorki na samich aśviatlalnych aporach.
Da Dnia horada taksama płanujecca ŭstalavać na placoŭcy kala Pałaca sportu iluminacyjnyja kanstrukcyju «Padarunak» dyjamietram bolš za 3 m, jakuju vyrabili na pradpryjemstvie «Minharśviatło». Miarkujecca, što paśla śviata «Padarunak» zastaniecca stajać na tym ža miescy i stanie svojeasablivym simvałam placoŭki. Akramia taho, u rajonie centralnaj nabiarežnaj parku Pieramohi z boku praśpiekta Pieramožcaŭ da śviata horada buduć upryhožanyja biełymi i błakitnymi hirlandami stvały prykładna 20 dreŭ.
Akramia navinak u stalicy ŭ Dzień horada zaźziaje i inšaja śviatočnaja iluminacyja. Hrafik pracy ŭžo vyznačany: hirlandy zapalacca 3 vieraśnia ŭ 20.24, a zhasnuć apoŭnačy 4 vieraśnia.