U Italii abvieščanaja nacyjanalnaja žałoba
Dziaržaŭnyja ściahi Italii i ściahi ES pryspuściać na budynkach dziaržustanoŭ usioj krainy 24 i 25 žniŭnia ŭ pamiać pra šmatlikija achviary ziemlatrusu, paviedamlajuć infarmahienctvy sa spasyłkaj na zajavu ŭrada respubliki.
Pavodle apošniaj infarmacyi, stychijnaje biedstva pryviało da hibieli minimum 84 čałaviek. Mnohija prapali bieź viestak, aficyjnaj infarmacyi datyčna ich kolkaści pakul niama. Pa miery praviadzieńnia pošukavaj apieracyi, u jakoj zadziejničanyja sotni ratavalnikaŭ i supracoŭnikaŭ miedycynskich bryhad, kolkaść zahinułych moža istotna pavialičycca.
Ziemlatrus mahnitudaj 6 adbyŭsia siońnia ŭ 03.36 pa miascovym časie. Jon zakranuŭ šyrokuju zonu Apieninskaha chrybta. Bolš za ŭsio paciarpieli nasielenyja punkty, raźmieščanyja ŭ hornaj miascovaści, — Amatryče, Pieskara-del-Tronta, Akumoli.