Uejn Runi abviaściŭ pra sychod sa zbornaj Anhlii paśla ČS-2018
Kapitan futbolnaj zbornaj Anhlii i kłuba «Mančestar Junajted» Uejn Runi zajaviŭ, što spynić vystupleńni na mižnarodnych turnirach paśla čempijanatu śvietu 2018 hoda ŭ Rasii.
Getty
Pra heta 30-hadovy Runi paviedamiŭ padčas pres-kanfierencyi ŭ nacyjanalnym futbolnym centry ŭ horadzie Bartan, hrafstva Stafordšyr.
«Što da Rasii, ja adčuŭ, što pryjšoŭ čas raźvitacca ź mižnarodnym futbołam. Majo rašeńnie pryniataje», — skazaŭ Runi.
Jon nahadaŭ, što pačaŭ karjeru prafiesijnaha futbalista ŭ 16 hadoŭ. U 17 hadoŭ upieršyniu zhulaŭ za nacyjanalnuju kamandu Anhlii. Da času čempijanatu ŭ Rasii jamu budzie ŭžo 33 hady.
«Rasija stanie majoj apošniaj mahčymaściu niešta zrabić razam z kamandaj Anhlii, tamu ja raźličvaju atrymać zadavalnieńnie ad budučych dvuch hadoŭ i spadziajusia, što zaviaršu svoj termin z Anhlijaj na ŭzdymie».