U Biełarusi pabudujuć armianskuju carkvu
Ctaršynia armianskaj relihijnaj abščyny: «My ličym, što pryjšoŭ čas pabudavać na cudoŭnaj biełaruskaj ziamli pomnik armianskaha architekturnaha dojlidztva».
U Biełarusi planujecca pabudavać armianskuju carkvu, skazaŭ u interviju ahienctvu «Naviny‑Armenija» staršynia armianskaj relihijnaj abščyny Biełarusi Andrej Ambarcumian:
«Ja dumaju, što sioleta my atrymajem ziamielny ŭčastak i pačniem budavać armianski chram pa ŭsich kanonach armianskaj apostalskaj carkvy»
«My ličym, što pryjšoŭ čas pabudavać na cudoŭnaj biełaruskaj ziamli pomnik armianskaha architekturnaha dojlidztva», — skazaŭ Ambarcumian.
Armianskaja abščyna Biełarusi była stvorana ŭ 1992 hodzie, a armianskaja relihijnaja abščyna — u 2003 hodzie.
Andrej Ambarcumian adciemiŭ taksama nadzvyčaj dobrazyčlivaje staŭleńnie biełaruskich uładaŭ, u pryvatnaści Alaksandra Łukašenki, da armianaŭ Biełarusi.
Na fota: katedralny sabor u Ečmiadzinie, histaryčnym centry armianskaj apostalskaj carkvy.