Dziaržsakratar Vatykanu naviedaje Biełaruś
Tadevuš Kandrusievič: Ja spadziajusia, što vizyt kardynała Tarčyzio Bertone adyhraje važnuju rolu ŭ žyćci katalickaha kaściołu, bo heta — druhaja asoba ŭ katalickim kaściole.
Tarcisio Bertone |
Dziaržaŭny sakratar Vatykanu, kardynał Tarčyzyjo Bertone, naviedaje Biełaruś z aficyjnym vizytam 18 — 22 červienia.
Praduhledžanyja sustrečy kardynała z aficyjnymi asobami i viernikami.
«Ja spadziajusia, što vizyt kardynała Tarčyzio Bertone adyhraje važnuju rolu ŭ žyćci katalickaha kaściołu nia tolki ŭ Miensku, ale j va ŭsioj Biełarusi, bo heta — druhaja asoba ŭ katalickim kaściole, heta najbližejšy supracoŭnik Papy Benedykta XVI», — adznačyŭ Mitrapalit Tadevuš Kandrusievič na presavaj kanferencyi ŭ Miensku 5 traŭnia.
Kardynał naviedaje Miensk, Pinsk i Horadniu, aśviecić vuhłavy kamień kaściołu śviatoha Jana Chryściciela ŭ Miensku, prymie ŭdzieł u pasiedžańni Kanferencyi katalickich biskupaŭ u Biełarusi. U planach taksama naviedańnie centru «Karytas» u Laskoŭcy (la Baraŭlanaŭ), jaki dapamahaje dzieciam z ankalahičnymi zachvorvańniami.
19 červienia Tarčyzyjo Bertone adsłužyć imšu ŭ mienskaj katedry.
Fota — Catholic-Pages.com