Kiraŭnik minskaj turystyčnaj kampanii źnik z hrašyma klijentaŭ
Z kanca minułaha tydnia ŭ turhalinie abmiarkoŭvajuć skandał, u centry jakoha akazałasia firma «STS Vajaž». Kiraŭnik firmy Andrej Ciupa ź piatnicy nie vychodzić na suviaź. Paciarpiełymi akazalisia niekalki dziasiatkaŭ klijentaŭ, a taksama minimum adzin partnior, jakim Ciupa ŭ sumie vinny, pavodle papiarednich padlikaŭ, ad 25 da 30 tysiač dalaraŭ. Pa čutkach, Ciupa moh źjechać va Ukrainu, adkul jon rodam.
Andrej Ciupa, fota s sacsietak
Telefony firmy ŭ ciapierašni čas maŭčać, choć, pa niekatorych źviestkach, ab spynieńni dziejnaści firmy havorka nie idzie. U Minsku ŭ sp. Ciupy zastałasia žonka Iryna — aficyjny dyrektar firmy «STS Vajaž». Jak raspaviali ŭ Maskoŭskim RUUS Minska, praktyčna kožny dzień u milicyju prychodziać paciarpiełyja klijenty i padajuć zajavy ab kradziažy ich srodkaŭ. Raniej kampanija «STC Vajaž» nazyvałasia «Stronh Tur». A ŭ 2010 hodzie sp. Ciupa ŭznačalvaŭ firmu «Santa-Kruz».
Pradstaŭniki turfirm, kalehi Andreja Ciupy kažuć, što ništo nie pradrakała padobnaha raźvićcia padziej. Ciupa byŭ viadomy jak dosyć nadziejny partnior. Firma śpiecyjalizavałasia na hruzinskim kirunku, pracavała z Hruzijaj jak turapieratar, pa astatnich kirunkach mieła turahienckija damovy. Andrej Ciupa byŭ viadomy jak adzin z najlepšych śpiecyjalistaŭ pa Hruzii. Letaś firma sprabavała arhanizavać u Hruziju rekłamny tur, ale sproba akazałasia niaŭdałaj.
«Dla klijentaŭ «STS Vajaž» źniknieńnie Andreja z hrašyma stała prosta šokam, — kamientuje situacyju adzin z kaleh Ciupy. — Mnohija jeździli praź firmu pa 3-4 hady, byli ŭ siabroŭskich adnosinach z Andrejem. Sioj-toj nie padpisvaŭ damovy, prosta addavaŭ hrošy, daviarajučy daŭniamu znajomamu. Ciapier pry padačy zajavy ŭ milicyju im niama čaho budzie pradjavić u jakaści dakumientalnaha paćvierdžańnia».
Pa prybliznych padlikach, paciarpiełymi mohuć akazacca niekalki dziasiatkaŭ klijentaŭ, jakija albo zapłacili hrošy hora-kamiersantu i, naturalna, užo nikudy nie palaciać, albo ŭžo palacieli biez apłaty. Niekalki klijentaŭ «STS Vajaž» takim čynam apynulisia ŭ Čarnahoryi. Apieratar, pavieryŭšy Andreju Ciupu, jaki da apošniaha dnia zapeŭnivaŭ, što hrošy za tury ŭsio ž buduć pieraličanyja, adpraviŭ klijentaŭ «STS Vajaž» na adpačynak biez papiaredniaj apłaty. Vysialać hetych klijentaŭ, zrazumieła, nichto nie źbirajecca. Kab paźbiehnuć skandału, apieratar voźmie na siabie apłatu tura. Ź jaho boku taksama budzie padadzieny pazoŭ. U kancy minułaha tydnia niekalki klijentaŭ «STS Vajaž», jakija apłacili tury jašče ŭ lutym, prychodzili prosta da samalota biez dakumientaŭ na rukach, a tolki z raśpiskaj ad Ciupy. U kožnym kankretnym vypadku firma, jakaja vystupaje apierataram, starałasia vyrašyć prablemu tak, kab klijent usio ž palacieŭ na adpačynak.
U cełym skandał u halinie znoŭ padniaŭ prablemu nadzvyčaj daviernych adnosin, jakija isnujuć u biełaruskim turyźmie. Klijenty daviarajuć hrošy firmam praktyčna biez reputacyi, nie patrabujučy nieabchodnych dakumientaŭ. Partniory pracujuć «na daviery», časam biez papiarednich apłat.
Nu i, viadoma, burna abmiarkoŭvajuć u halinie tuju pa sutnaści nievialikuju sumu, dziela jakoj čałaviek, raniej nie zaŭvažany ni ŭ jakich ašukanskich dziejańniach, sapsavaŭ svaju reputacyju. Jak sumna žartujuć pradstaŭniki turbiznesu, raniej źbiahali z paŭmiljonam dalaraŭ, ciapier z tryccaćciu tysiačami! Kryzis!
U lubym vypadku, skandał znoŭ nahadvaje pra nieabchodnaść być pilnym pry vybary turfirmy, nie vieścisia na prapanovu vialikich nieabhruntavanych źnižak i uvažliva stavicca da takoha momantu, jak padpisańnie damovy.
Kamientar dyrektara firmy «STS Vajaž» Iryny Symanovič:
— My chočam padkreślić, što firma nie źnikła, my pa-raniejšamu pracujem, sprabujem trymacca na płavu. My hetak ža, jak i ŭsie, znachodzimsia ŭ šoku ad taho, što zdaryłasia. Hetak ža, jak usie paciarpiełyja, my padali zajavu ŭ milicyju. My paviedamili pra źniknieńnie našaha supracoŭnika Andreja Ciupy, pra toje, što suma naniesienaj im škody klijentam pakul nie viadomaja. Imavierna, budzie zaviedzienaja kryminalnaja sprava. Ciapier nam vielmi ciažka. U firmu prychodziać turysty, my razmaŭlajem ź imi, sprabujem rastłumačyć situacyju — kažam, što my taksama znachodzimsia ŭ niaviedańni. Naš viadučy kirunak — Hruziju — ciapier kuryruju ja. My vielmi ŭdziačnyja tym, chto nam usio ž daviaraje i praciahvaje lacieć pa našych turach — hetyja pucioŭki apłočanyja, bajacca niama čaho.