U niadzielu ŭ Biełarusi mohuć być zboi ŭ absłuhoŭvańni bankaŭskich kartak
Pra heta papiaredziŭ Bankaŭski pracesinhavy centr.
Pryčynaj zbojaŭ nazyvajucca «technałahičnyja raboty na kompleksie apracoŭki aŭtaryzacyjnych zapytaŭ u režymie realnaha času». Pravodzić ich buduć z 2-j hadziny nočy da 7-j ranicy.
U hety pramiežak času mohuć nie pracavać kartki bankaŭ, jakija adnosiacca da Bankaŭskaha pracesinhavaha centra (heta takija banki, jak Biełarusbank, BPS-Aščadbank, Ahraprambank, Bielinviestbank, Biełhazprambank, Parytetbank, Pryjorbank). Pierapynki ŭ absłuhoŭvańni ŭładalnikaŭ kartak mahčymyja ŭ kramach, abjektach servisu, punktach vydačy najaŭnych hrošaj, samaabsłuhoŭvańnia i bankamatach.