Na Korsicy baćki nie dazvolili musulmankam u chidžabach uvajści ŭ dziciačy sad
Na Korsicy piaciarym musulmankam u chidžabie nie dali ŭvajści ŭ budynak dziciačaha sada z-za ich adzieńnia, paviedamlajuć miascovyja ŚMI.
AFP
Pa dadzienych miascovych haziet, darohu ŭ dziciačy sad u horadzie Banifača musulmankam, dzieci jakich naviedvajuć daškolnuju ŭstanovu, zastupili inšyja baćki. Krychu paźniej, kab praduchilić raźvićcio kanfliktu, umiašałasia miascovaja palicyja.
Pa słovach baćkoŭ, jakija nie puścili žančyn u chidžabach u dziciačy sad, jany aburanyja tym, što ich dzieciam nie dazvalajuć nasić nacielnyja kryžyki, u toj čas jak u dziciačy sad bieśpieraškodna prychodziać žančyny ŭ chidžabie.
Pavodle zakonaŭ Francyi, dzieciam i vykładčykam u škołach zabaroniena nasić relihijnyja simvały i adździeńnie, jakija demanstruje ich relihijnuju prynaležnaść. Adnak hetaja zabarona nie raspaŭsiudžvajecca na baćkoŭ, što prychodziać u škołu.
Na poŭdni Francyi paśla napadu ŭ Nicy, achviarami jakoha stali 86 čałaviek, nazirajecca rost napružanaści ŭ adnosinach miascovych žycharoŭ i pradstaŭnikoŭ musulmanskich abščyn.