ŚMI: Aŭtamabil Pucina trapiŭ u śmiarotnaje DTZ u Maskvie
Aŭtamabil z aŭtaparka Uładzimira Pucina ŭ Maskvie trapiŭ u DTZ, u vyniku čaho zahinuŭ kiroŭca prezidenta Rasii. Ab hetym piša The Daily Mail.
«Rasijskija ŚMI raspaviali, što łabavoje sutyknieńnie, u jakim zahinuŭ čałaviek, adbyłosia z udziełam aficyjnaha čornaha BMW Uładzimira Pucina», — piša hazieta.
Zhodna z apublikavanym u sietcy videa, avaryja adbyłasia jašče 2 vieraśnia.
Pavodle infarmacyi ŚMI, na Kutuzaŭskim praśpiekcie aŭtamabil Mercedes vylecieŭ na sustrečnuju pałasu i sutyknuŭsia łob u łob z prezidenckim BMW.
«Rasiejskija ŚMI paviedamili pra toje, što aŭtamabilem BMW kiravaŭ lubimy aficyjny kiroŭca Pucina i što jon zahinuŭ na miescy, u toj ža čas prezidenta ŭ aŭtamabili ŭ toj čas nie było. Aŭtamabil aficyjna zarehistravany ŭ Saviecie Fiederacyi», — havorycca ŭ materyjale.
Mužčyna, jaki znachodziŭsia za rulom Mercedes, byŭ špitalizavany ŭ ciažkim stanie.
Imia zahinułaha kiroŭcy nie nazyvajecca, choć paviedamlałasia, što jon mieŭ bolš čym 40-hadovy dośvied kiravańnia ŭ jakaści aficyjnaha kiroŭcy.
U palicyi tolki paćvierdzili, što viaduć rasśledavańnie, nie dajučy nijakich dalejšych padrabiaznaściaŭ.
Paviedamlajecca, što likvidacyja nastupstvaŭ avaryi zaniała niekalki hadzin, a na Kutuzaŭskim praśpiekcie ŭtvaryŭsia vializny zator.