Vice-premjer Rasii nazvaŭ chłuśnioju paviedamleńni pra novuju formułu cany na haz dla Biełarusi
tass.ru
Vice-premjer Rasii Arkadź Dvarkovič zajaviŭ žurnalistam u čaćvier, što paviedamleńni ab dasiahnieńni damovy pra źmianieńnie formuły cany na haz dla Biełarusi nie adpaviadaje rečaisnaści, pieradaje «Interfaks».
Raniej pra toje, što Rasija i Biełaruś papiarednie ŭzhadnili novuju schiemu cenaŭtvareńnia na rasijski haz, paviedamlała hazieta «Kommiersant».
«Mahu tolki skazać, što ŭsio, što pisałasia z nahody taho, što tam niešta ŭzhodniena, heta ŭsio niapraŭda. Heta ŭsio iłžyvaja infarmacyja, jakaja nie adpaviadaje sapraŭdnaści», - skazaŭ Dvarkovič. Jon dadaŭ, što pieramovy pa hetym pytańni ź Minskam praciahvajucca.
26 žniŭnia «Kommiersant» paviedamiŭ, što Rasija i Biełaruś na ŭzroŭni profilnych viedamstvaŭ i ministerstvaŭ papiarednie ŭzhadnili novuju schiemu farmavańnia cany na rasijski haz.