Tureckaja palicyja razahnała demanstracyju suprać zvalnieńnia 11 tysiač nastaŭnikaŭ
Tureckaja palicyja ŭžyła ślozaciečny haz i vadamioty dla razhonu demanstracyi, udzielniki jakoj pratestavali suprać adchileńnia ad pracy bolš za 11 tysiač nastaŭnikaŭ.
U akcyi pratestu ŭ horadzie Dzijarbakyr — u nasielenaj pieravažna kurdami paŭdniova-ŭschodniaj častcy Turcyi — ŭziali ŭdzieł niekalki socień čałaviek, u tym liku i adchilenyja ad vykładańnia nastaŭniki.
Nastaŭnikaŭ adchilili u čaćvier pa padazreńni ŭ suviaziach z Rabočaj partyjaj Kurdystana, dziejnaść jakoj u Turcyi zabaronienaja.
Kala 100 udzielnikaŭ pratestu byli zatrymanyja palicyjaj, jakaja abviaściła, što praviadzieńnie akcyi niezakonnaje.
Akcyja pratestu adbyłasia la miascovaha departamienta adukacyi. Ludzi, jakija sabralisia, śvistali i skandavali svaje patrabavańni.