Jarmošyna: Ahitacyja za bajkot vybaraŭ raspalvaje sacyjalnuju varožaść
Prychavanaja ahitacyja, nakiravanaja na bajkot vybaraŭ, u Vybarčym kodeksie razhladajecca «jak ahitacyja, jakaja raspalvaje sacyjalnuju varožaść, bo sutykaje roznyja hrupy nasielnictva», zajaviła staršynia Centrvybarkama Lidzija Jarmošyna 11 vieraśnia na pres-kanfierencyi ŭ Minsku.
Pavodle jaje słoŭ, znajści ŭ takoj ahitacyi prykmiety administracyjnaha pravaparušeńnia «ciažka», adnak jana moža stać padstavaj dla admieny rehistracyi kandydata ŭ deputaty. Dziejańni, skiravanyja na zryŭ vybaraŭ, «abiartajucca suprać samich arhanizataraŭ ckavańnia», — dadała Jarmošyna.