17 futbalistaŭ i trenier prachodziać pa spravie ab damoŭnych matčach u Biełarusi
Śledčy kamitet Biełarusi praciahvaje rasśledavańnie kryminalnaj spravy ab praviadzieńni damoŭnych matčaŭ u čempijanacie Biełarusi pa futbole.
dynamo-brest.by
Jak paviedamlajecca na sajcie kamiteta, u jakaści padazravanych i abvinavačanych pa kryminalnaj spravie prachodziać 18 čałaviek: dva byłyja futbalisty, adzin ź jakich zajmaŭsia trenierskaj pracaj, 14 futbalistaŭ kłubaŭ «Isłač», «Ašmiany» i «Pramień», były trenier FK «Isłač» i hramadzianin Ukrainy.
Termin papiaredniaha rasśledavańnia padoŭžany da śniežnia 2016 hoda.
Jak adznačajecca ŭ paviedamleńni, niekatoryja futbalisty samastojna źjavilisia z pavinnaj. Jany mohuć pretendavać na spynieńnie kryminalnaha pieraśledu ŭ dačynieńni da ich na padstavie art. 30 Kryminalna-pracesualnaha kodeksa Biełarusi.
Nahadajem, u lipieni pravaachoŭniki paviedamili pra vyjaŭleńnie damoŭnych matčaŭ u pieršaj lizie. Pad padazreńnie trapili pajadynki «Baranavičy» — «Ašmiany» (1:0, 5 červienia) i «Ašmiany» — «Pramień» (3:3, 2 lipienia).
U žniŭni źjaviłasia infarmacyja ab tym, što supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS vyjavili fakt arhanizacyi damoŭnaha matču ŭ vyšejšaj lizie pamiž kamandami «Isłač» — «Dynama-Brest», jaki prajšoŭ 30 krasavika 2016 hoda.