Były piłot «Formuły-1» vyjhraŭ Paralimpijadu ŭ Rya
Były viadomy honščyk «Formuły-1» Alesandra Dzanardzi staŭ trochrazovym paralimpijskim čempijonam. U Rya-de-Žaniejra jon pieramoh u viełahoncy na šašy.
Reuters.com
49-hadovy italjanski spartsmien vyjhraŭ indyvidualnuju honku z raździelnym startam. Druhoje miesca zaniaŭ aŭstralijec Ściuart Tryp.
Dzanardzi, jaki vystupaŭ u «Formule-1», u tym liku za Benetton, Minardi i Lotus, trapiŭ u surjoznuju avaryju paśla taho, jak pierabraŭsia ŭ honačnuju sieryju CART.
Avaryja adbyłasia 15 vieraśnia 2001 hoda. Dzanardzi straciŭ kiravańnie padčas honki na niamieckaj trasie Łauzitcrynh, i jaho balid raskruciła papiarok trasy, paśla čaho ŭ jaho ŭrezaŭsia nastupny ŭdzielnik honki, Aleks Taljani. Dzanardzi atrymaŭ surjoznyja traŭmy, i daktary vymušanyja byli amputavać jamu abiedźvie nahi da kalena.
Praź niekalki hadoŭ paśla avaryi Dzanardzi pačaŭ vystupać u spabornictvach paralimpijcaŭ, a ŭ 2012 hodzie debiutavaŭ na Paralimpijskich hulniach. U Łondanie jon vyjhraŭ zołata na dystancyi 16 km i 64 km.
Paśla pieramohi ŭ Rya italjaniec staŭ trochrazovym paralimpijskim čempijonam. U piatnicu jon moža dadać u svaju skarbonku jašče adnu ŭznaharodu, kali zavajuje miedal u kamandnaj honcy.