Aptyčny siezon «Papularnaj navuki pa-biełarusku» raspačniecca 21 vieraśnia
«Papularnaja navuka pa-biełarusku» raspačynaje novy, «aptyčny siezon», i zaprašaje achvočych na pieršuju sustreču 21 vieraśnia ŭ Halereju TUT.BY.
Viedajecie, što takoje śviatło? A ci možna raskłaści jaho z dapamohaj pryzmy, i što pry tym adbyvajecca? Atrymać adkazy na hetyja i inšyja pytańni vy zmožacie ŭžo 21 vieraśnia. «Papularnaja navuka pa-biełarusku» raspačynaje šerah zaniatkaŭ pa temie «Optyka». Razmova pojdzie pra histaryčnaje raźvićcio optyki, jaje pieršaadkryvalnikaŭ dy ŭsialakija cikavostki, źviazanyja z hetaj temaj. Vy daznajeciesia pra toje, jakim čynam Arystociel, Ptałamiej, Hiujhien źviazanyja z optykajs, daviedajeciesia, jak raspaŭsiudžvajecca śviatło i što takoje kamiera abskura. Praktyčnaja častka sustrečy ŭklučyć u sabie ekśpierymienty na zakon prałamleńnia i palaryzacyju. U dadatak — hulni i jabłyki.
Čakajem u sieradu, 21 vieraśnia a 19.00 u Halerei TUT.BY (pr. Dziaržynskaha, 57, 9 pavierch). Dakładčyk — navukovy supracoŭnik Akademii navuk Biełarusi Ryhor Rusiecki.