U Mazyry aŭtamabil urezaŭsia ŭ dreva: pasažyrka zahinuła
Darožna-transpartnaje zdareńnie sa śmiarotnym zychodam adbyłosia ranicaj 16 vieraśnia ŭ Mazyry, paviedamlaje pres-słužba Ministerstva pa nadzvyčajnych situacyjach.
U 5.21 u centr apieratyŭnaha kiravańnia Mazyrskaha padraździaleńnia MNS pastupiła paviedamleńnie ab tym, što ŭ Mazyry na vulicy Leninskaj adbyłosia darožna-transpartnaje zdareńnie, patrabujecca dapamoha dla debłakiroŭki paciarpiełych.
Pavodle papiarednich dadzienych, vadziciel-mužčyna nie spraviŭsia z kiravańniem aŭtamabila «Aŭdzi-80» i sutyknuŭsia z drevam. U vyniku DTZ jon byŭ zacisnuty ŭ sałonie, a pasažyrka aŭtamabila atrymała śmiarotnyja traŭmy.
Ratavalniki dastali mužčynu z transpartnaha srodku pry dapamozie śpiecyjalnaha instrumienta i pieradali miedykam. Z traŭmami roznaj stupieni ciažkaści jon dastaŭleny ŭ balnicu. Ratavalniki debłakiravali taksama zahinułuju žančynu.