Viartańnie da kłasiki. Francyja abrała niamieckuju vintoŭku Heckler & Koch dla pieraŭzbrajeńnia armii
Niamieckaja vintoŭka Heckler & Koch NK416 pieramahła na tendery, pa vynikach jakoha jana zamienić na ŭzbrajeńni Francyi vintoŭki FAMAS, piša sajt thefirearmblog.com.
U konkursie ŭdzielničali taksama bielhijskaja vintoŭka FN SCAR, vintoŭki italjanskaj kampanii Beretta, šviejcarskaj Swiss Arms i charvackaj HS Produkt.
Niamieckaja vintoŭka raspracavanaja na płatformie amierykanskaj AR-15, jakaja źjaŭlajecca adnoj z najbolš papularnych u śviecie, dziakujučy svajoj univiersalnaści i amal biaźmiežnym mahčymaściam dla madyfikacyi.
Francuzski bajec ź vintoŭkaj FAMAS padčas apieracyi ŭ Centralnaafrykanskaj Respublicy.
Lehiendarnaja francuzskaja aŭtamatyčnaja vintoŭka FAMAS — pieršaja (1977 hod) bujnasieryjnaja vintoŭka kampanoŭki bullpup. Taki varyjant kampanoŭki praduhledžvaje, što mahazin i ŭdarny miechanizm znachodziacca za rukajatkaj sa spuskavym kručkom. Heta dazvalaje skaracić daŭžyniu zbroi biez skaračeńnia trapnaści strełu.
Kamandas francuzskaha Zamiežnaha lehijona ź vintoŭkaj NK416.
Adnak kampanoŭka maje i vialikija minusy: časta niemahčyma ci niekamfortna vykarystoŭvać hłušylniki i inšyja stvolnyja nasadki, niazručna mianiać mahazin u lažačym stanoviščy. Da taho ž, pa miery adstrelvańnia mahazina, mianiajecca centr bałansa vahi zbroi.
Z hetaj pryčyny śpiecpadraździaleńni krain, armii jakich uzbrojenyja vintoŭkami bullpup, časta vykarystoŭvajuć vintoŭki kłasičnaj kampanoŭki. Hetak, francuzskija padraździaleńni śpiecyjalnaha pryznačeńnia ŭžo vykarystoŭvajuć NK416. Vintoŭka vykarystoŭvajecca taksama śpiecpadraździaleńniami Aŭstralii i Irłandyi — jak i ŭ Francyi, u hetych krainach zvyčajnyja vajskoŭcy ŭzbrojenyja vintoŭkaj kampanoŭki bullpup (aŭstryjskaj Steyr AUG).