Stefan Eryksan pryznačany pasłom Švecyi ŭ Biełarusi
Ad 2005 h. jon uznačalvaŭ Adździaleńnie pasolstva hetaj krainy ŭ Miensku.
Adkryćcio pasolstva zaplanavanaje na kaniec hodu, a abaviazki pasła Stefan Eryksan pačnie vykonvać užo ź leta.
Stefan Eryksan naradziŭsia ŭ 1962 h. u Vesterosie, niedaloka ad Stakholmu. Skončyŭ Instytut handlu i ekanomiki (1989). Pracavaŭ ź misijami ŭ Rasiei, Belhii. Cudoŭna viedaje biełaruskuju movu. Sam pierakładaje na švedzkuju tvory Vasila Bykava i Ŭładzimiera Arłova. Źjaŭlajecca pastajannym naviedvalnikam kulturnych imprezaŭ i kancertaŭ biełaruskich rok‑hurtoŭ.
Ciapier kali ź Biełarusi źjaždžajuć taksama biełaruskamoŭnyja dyplamaty słavak Lubamir Rehak i pasoł Izrailu Ziejev Ben‑Arje, stracić jašče i Eryksana było b vielmi škada. Ale švedzki pasłańnik pajšoŭ na novy termin svajoj dyplamatyčnaj pracy ŭ Miensku. Z čym redakcyja jaho i vinšuje!