«Sierž» aficyjna bankrut. Na prodaž vystaŭlenyja staniki i majtki
Ekanamičny sud horada Minska pryznaŭ bankrutam vytvorcu bializny kampaniju «Sierž». Da 19 vieraśnia 2017 hoda kampanija pavinna być likvidavanaja. Infarmacyja pra heta raźmieščana ŭ Adzinym dziaržaŭnym rejestry źviestak ab bankructvie.
U ciapierašni čas u ramkach spravy ab bankructvie «Sierža» realizujucca reštki hatovaj pradukcyi na składzie, a taksama syravina i materyjały na ahulnuju sumu 702,5 tysiačy rubloŭ biez PDV. Majomaść pradajecca pa bałansavym košcie adnym łotam.
U sakaviku kampanija «Sierž» abviaściła siabie ekanamična niepłaciežazdolnaj. Sudom była pačata vytvorčaść pa hetaj spravie, ustanoŭleny achoŭny pieryjad da 9 červienia.