Google vypuskaje novy «razumny» miesiendžar
Kampanija Google vypuskaje novuju prahramu dla abmienu karotkimi paviedamleńniami Google Allo. U dadzieny momant isnuje vialikaja kolkaść samych roznych miesiendžaraŭ. Usie jany majuć vialiki nabor adnolkavych funkcyj i adroźnivajucca adzin ad adnaho tolki dyzajnam albo sposabam pieradačy dadzienych.
Ale miesiendžar Allo vyłučajecca z šerahu inšych. Akramia standartnaha naboru funkcyj (roznyja šryfty, stykiery, dudły i smajły), mabilny dadatak prapanuje novyja. U Allo jość mahčymaść redahavać fotazdymki adrazu ŭ čacie (malavać na ich, albo dadavać da fotaŭ tekst). Taksama prahrama dazvalaje źmianiać pamier tekstu adnym dotykam.
Ale najbolš prahrama cikavaja dźviuma funkcyjami, jakija vykarystoŭvajuć štučny intelekt. Pieršaja funkcyja Smart Reply dazvalaje adpravić adkaz, jaki prapanuje prahrama, u adzin dotyk. Naprykład, kali znajomy dašle vam fotazdymak z chatnim sabakam, Google Allo prapanuje adreahavać słovami «Pryhožańki sabačka» albo «Lubata!». Pa miery vykarystańnia prahramy technałohija budzie padładžvacca pad manieru maŭleńnia karystalnika i vykarystoŭvać vyrazy ŭ jaho styli.
Jašče adnoj funkcyjaj miesiendžara źjaŭlajecca Google Assistant — śpiecyjalny bot, jaki moža adkazać na vašyja pytańni. Adkazy hetaha bota zasnavanyja na sistemie pošuku ad Google, jon vyciahvaje infarmacyju ź sieciva i adrazu dastaŭlaje jaje ŭ miesiendžar u prostaj i zručnaj formie.
Suśvietnaja premjera Google Allo adbyłasia 21 vieraśnia, nieŭzabavie prahrama stanie aficyjna dastupnaj i ŭ Biełarusi. Karystalnikam hadžetaŭ Apple daviadziecca krychu pačakać, a voś uładalniki Android mohuć nieaficyjna ŭstalavać Allo užo ciapier.