Alaksandr Łukašenka na «Charlei» ŭznačaliŭ kałonu bajkieraŭ FOTAFAKT
Bolš za 3 tysiačy bajkieraŭ ź Biełarusi, Rasii, krain Bałtyi, Zachodniaj Jeŭropy biaruć udzieł u paradzie, pryśviečanym zakryćciu motasiezona-2016 H.O.G. Rally Minsk, paviedamlaje BiełTA.
U mižnarodnym bajkierskim fiestyvali biare ŭdzieł Alaksandr Łukašenka, a taksama jaho syny Viktar i Mikałaj.
Jak piša Auto.tut.by, Łukašenka źjaviŭsia na śviacie bajkieraŭ u siadle turystyčnaha Harley Davidson Touring Electra Glide Classic FLHTC.
Madel davoli staraja, vypuskałasia z 2009 pa 2012 hady. Na hetym ža matacykle jon upieršyniu źjaviŭsia jakraz u 2009 hodzie, kali prakaciŭsia biez šlema razam z małodšym synam.
Matacykł u Łukašenki ŭsio toj samy, chiba što źjaviłasia aerahrafija na piarednim abciakalniku.
«Charlej» kiraŭnika dziaržavy abstalavany kłasičnym V-Twin abjomam 1690 «kubikaŭ» z pavietranym astudžeńniem. Mator raźvivaje krutoŭny momant u 134 Nm pry 3500 ab/chv. Darečy, tradycyjna mahutnaść ruchavikoŭ dla takich matacykłaŭ nie pakazvajecca, tamu što hałoŭnaj charaktarystykaj matora ličycca mienavita krutoŭny momant.
Składana skazać, u jakoj mienavita kamplektacyi hety dvuchkołavy siabra Łukašenki, ale ŭ lubym vypadku tannym matacykł nie nazavieš. Novy Harley Davidson Touring Electra Glide Classic FLHTC kaštavaŭ kala 26 tys. dalaraŭ. Ciapier padobny možna kupić za sumu ŭ dva razy mienšuju.