U Aŭstryi zatrymali žančynu, jakaja viezła pareštki muža ŭ bahažy
Mytnaja słužba Aŭstryi zatrymała ŭ aeraporcie Hraca hramadzianku Maroka, u bahažy jakoj byli znojdzienyja reštki cieła jaje muža.
Vantroby mužčyny byli akuratna spakavanyja ŭ dva kantejniery, paviedamlajuć aŭstryjskija ŚMI. Žančyna śćviardžaje, što jaje muž pamior padčas apieracyi, zroblenaj u Maroka. Jana padazraje, što jon byŭ atručany, paviedamiła Kleine Zeitung.
Pa słovach žančyny, jana chacieła pravieści taksikałahičnaje daśledavańnie pareštkaŭ i dla hetaha pryviezła ich u Aŭstryju. Ekśpiert, jaki prybyŭ pa vykliku palicyi, zajaviŭ, što paŭnavartasnaje daśledavańnie nie moža być zroblenaje ŭ adsutnaści cieła całkam.
Pareštki byli adpraŭlenyja na zachoŭvańnie da zaviaršeńnia rasśledavańnia incydentu. Pry hetym palicyja zajaviła, što žančyna nie parušyła nijakich zakonaŭ.