Blackberry bolš nie budzie vypuskać smartfony
Kanadskaja kampanija Blackberry spyniaje vytvorčaść smartfonaŭ, havorycca ŭ zajavie kampanii. Pryčynaj hetaha rašeńnia stała niaŭdałaja sproba pierachodu na apieracyjnuju sistemu Android.
ndtv.com
Nadzieja padniać cikavaść spažyŭcoŭ da novych madelej Blackberry akazałasia marnaj, kvartalnaja vyručka kampanii źniziłasia na 32%.
Raspracoŭku i vytvorčaść kamplektujučych Blackberry pieradaje kampanijam-partnioram, u pryvatnaści, adnoj ź indanezijskich kampanij.
U samoj ža kampanii zojmucca raspracoŭkaj prahramnaha zabieśpiačeńnia i akazańniem IT-pasłuh.
U pačatku 2000-ch hadoŭ Blackberry była adnym ź lidaraŭ rynku smartfonaŭ z kapitalizacyjaj 80 miljardaŭ dalaraŭ, ale nie zdoleła kankuravać z iPhone i smartfonami na płatformie Android. Pakupnicki popyt na telefony kampanii ŭ apošnija hady pastajanna źnižajecca.
Ciapier kapitalizacyja kampanii składaje 5,4 miljarda dalaraŭ.