Za suviazi z terarystami na Danbasie ŭpieršyniu aryštavali brytanca
Sud u Łondanie vystaviŭ abvinavačvańni brytancu Biendžamienu Stymsanu ŭ suviazi ź jaho mahčymym udziełam u vajennym kanflikcie na ŭschodzie Ukrainy na baku t.zv. «DNR» i «ŁNR».
Paviedamlajecca, što heta pieršy padobny vypadak, kali padazravanym u terarystyčnaj dziejnaści padčas kanfliktu na terytoryi Ukrainy staŭ brytaniec. U sieradu ranicaj 41-hadovy žychar Ołdchema paŭstaŭ pierad sudom u brytanskaj stalicy.
Stymsana abvinavačvajuć u namiery ździejśnić terarystyčnyja akty i ŭdziele ŭ ich padrychtoŭcy. Jon admaŭlaje svoj udzieł u vajennych dziejańniach. Pavodle jaho słoŭ, jon znachodziŭsia na ŭschodzie Ukrainy ŭ jakaści kiroŭcy chutkaj dapamohi.
Nastupnaje pasiadžeńnie suda adbudziecca 7 kastryčnika, da hetaha času Stymsan zastaniecca ŭ źniavoleńni.