Stali viadomyja supiernicy biełaruskich baskietbalistak u Pekinie
Losavańnie prajšło poźnim viečaram 15 červienia ŭ Madrydzie paśla zakančeńnia kvalifikacyjnaha turniru.
Pavodle infarmacyi Mižnarodnaj fiederacyi baskietboła (FIBA), Biełaruś trapiła ŭ hrupu «A» razam sa zbornymi Aŭstralii (čempijon śvietu‑2006), Brazilii, Paŭdniovaj Karei, Łatvii i Rasii (vice‑čempijon śvietu).
U hrupie «V» vystupiać Kitaj, Čechija, Mali, Novaja Ziełandyja, Ispanija i ZŠA (bronzavy pryzior ČS).
9 žniŭnia biełaruskaja kamanda zhulaje z Aŭstralijaj, 11‑ha — z Łatvijaj, 13‑ha — z Rasijaj, 15‑ha — z Paŭdniovaj Karejaj, 17‑ha — z Brazilijaj.
U čverćfinał alimpijskaha turniru vychodziać čatyry lepšyja kamandy kožnaj hrupy. Matčy hetaj stadyi projduć 19 žniŭnia, paŭfinały — 21 žniŭnia, hulnia za 3‑ie miesca i finał — 23 žniŭnia.