Kupała ŭ śvirnie
60‑hodździe filijału Litaraturnaha muzeju Janki Kupały na radzimie paeta planujecca adznačyć na Kupalle razam z Dniom naradžeńnia klasyka biełaruskaj litaratury.
20 červienia 1948 hodu na miescy byłoha falvarku Viazynka, dzie naradziŭsia paet, byŭ adčynieny Pieršy filijał Litaraturnaha muzeju Janki Kupały.
Pavodle rašeńnia JUNESKA, Viazynka ŭklučana ŭ mižnarodny maršrut turyzmu. U fondach zapaviednika — bolš za 1000 ekspanataŭ.
Ad chaty, u jakuju ŭ 1881 hodzie pierajechali baćki paeta, zastalisia tolki šeść biarvieńniaŭ. Siońnia jany źjaŭlajucca častkaj ekspazycyi muzeju.
Akramia memaryjalnaha domu, na terytoryi zapaviednika (jaki zajmaje bolš za 20 ha) znachodziacca pomnik Janku Kupału raboty Zaira Azhura, kamiani‑vałuny z vybitymi na ich kupałaŭskimi radkami, 200‑hadovyja duby, staryja lipy j vierby, sadžałka, krynička j śviran.
U śvirnie adbyvajecca vystava florystyki viciebskaha klubu «Aniuta» j rabotaŭ narodnych majstroŭ pa matyvach tvoraŭ Janki Kupały. Vystava prymierkavanaja da 60‑hodździa filijału.