Skraŭ žyvuju kurycu i kinuŭsia naŭcioki, sprabujučy pa darozie skrucić hałavu ptušcy — kryminalny detektyŭ pad Słuckam
Ilustracyjnaje fota.
U pasiołku Hacuk Słuckaha rajona małady čałaviek pasprabavaŭ skraści žyvuju kurycu. Jaho dahnali, zatrymali i pieradali milicyi, paviedamlaje pres-słužba UUS Minabłvykankama.
Žychar Hacuka źviarnuŭ uvahu na toje, što nieznajomy małady čałaviek nachiliŭsia nad susiedskaj kurycaj, schapiŭ jaje i pasprabavaŭ źbiehčy. Akliknuŭšy nieznajomca, mužčyna nakiravaŭsia da jaho, a žonku paprasiŭ patelefanavać u milicyju.
Ale prośba pakinuć u spakoi biednuju ptušku nie padziejničała, nieviadomy, nie vypuskajučy z ruk zdabyču, kinuŭsia naŭcioki.
Pry hetym złamyśnik sprabavaŭ skrucić kurycy šyju, kab potym rastłumačyć, što znajšoŭ ptušku miortvaj.
Ale daloka źbiehčy nie ŭdałosia, jaho dahnaŭ śviedka złačynstva. Zaviazałasia bojka, u jakoj pieramohu atrymaŭ hety samy śviedka.
Supracoŭniki milicyi, što prybyli na miesca zdareńnia, daznalisia, što złodziej - 27-hadovy žychar Minskaha rajona, jaki trapiŭ u Hacuk ŭ pošukach zarobku.
Małady čałaviek byŭ u stanie apjanieńnia i tołkam rastłumačyć matyŭ učynku nie zmoh. Zaviedziena kryminalnaja sprava.