U Brusieli paranili nažom dvuch palicejskich
U sieradu ŭ Brusieli nieviadomy paraniŭ nažom dvuch palicejskich. Pravaachoŭnyja orhany Bielhii buduć rasśledavać hety incydent jak mahčymuju terarystyčnuju ataku, paviedamiła prakuratura krainy.
Telekanał VRT paviedamiŭ, što adzin z aficeraŭ byŭ paranieny ŭ šyju, a druhi — u žyvot. Napadnik raźbiŭ nos jašče adnamu palicejskamu, jaki pryjechaŭ na miesca zdareńnia.
Palicejskija paranili napadnika ŭ nahu, paśla čaho jaho zabrała chutkaja dapamoha, paviedamlaje telekanał. Prakurory nie patłumačyli, čamu razhladajuć hetuju spravu jak mahčymy terakt.
Pry hetym sprava ŭžo pieradadzienaja z prakuratury Brusiela ŭ centralny aparat prakuratury. Heta źviazana z tym, što mienavita prakuratura krainy zvyčajna rasśleduje spravy, źviazanyja z arhanizavanaj złačynnaściu abo teraryzmam.
Raniej u sieradu Paŭnočny vakzał Brusiela byŭ evakujavany z-za paviedamleńnia pra bombu. Paśla pravierki miascovaści vakzał pačaŭ znoŭ pracavać.