Łukašenka: Lustracyja — heta hibiel
«Lustracyja — heta hibiel, heta šalenstva, jakim budzie ź vierchu da nizu prasiaknutaja ŭsia dziaržaŭnaja mašyna», — zajaviŭ Alaksandr Łukašenka, vystupajučy 7 kastryčnika na sustrečy z deputatami Pałaty pradstaŭnikoŭ i členami Savieta Respubliki Nacyjanalnaha schodu 5-ha i 6-ha sklikańniaŭ.
«Lustracyja, značyć vyhnańnie ŭsich ciapierašnich dziaržaŭnych słužačych i zaniaćcie ŭładnych kresłaŭ dziejačami apazicyi pa prykładzie Ukrainy, kali jany (biełaruskaja apazicyja) voźmuć uładu… jany nie pratrymajucca navat paŭhoda», — pierakanany Łukašenka.
Na jaho dumku, dla praviadzieńnia lustracyi nieabchodna «mieć vielizarny resurs kadravy za plačyma». «Ja heta pieražyŭ u siaredzinie 90-ch, kali pacanom staŭ prezidentam. Ale mnie tady chapiła rozumu nie pavyhaniać dobrych śpiecyjalistaŭ, jakija hatovyja byli pracavać na krainu. Ale ja ŭsiu apazicyju viedaju, tamu kažu, što bieź lustracyi jany nie abyducca, a lustracyja — heta hibiel», — dadaŭ kiraŭnik dziaržavy.
U toj ža čas jon pierakanany ŭ tym, što ŭ Biełarusi lustracyi nie dapuściać. «Zanadta my, u dobrym sensie, daloka zajšli, u tym liku i ŭ adzinstvie ŭładnych struktur i našaha hramadstva. Złamać heta ŭžo budzie składana. Heta pryviadzie da absalutna taho, što adbyłosia i adbyvajecca va Ukrainie. Paŭstaje pytańnie — nam heta treba? Mnie — nie. Kali kamuści treba budzie z novych parłamientaryjaŭ, skažacie, abmiarkujem», — zajaviŭ Łukašenka.