Upieršyniu ŭ historyi futboła hulec atrymaŭ zialonuju kartku
Padčas matču italjanskaj sieryi B pamiž kamandami «Virtus Enteła» i «Vičenca» hulcu ŭpieršyniu ŭ historyi futboła była pakazanaja zialonaja kartka.
Reuters
Jany byli ŭviedzienyja jašče ŭvosień minułaha hoda, ale da hetaha času ni razu nie vykarystoŭvalisia.
Jak paviedamlaje ahienctva Rejter, zialonuju kartku ŭ niadzielu atrymaŭ futbalist «Vičency» Kryścijan Hałana. Na 59-j chvilinie matču jon nanios udar mima bramy, paśla jakoha sudździa pryznačyŭ kutni na karyść «Vičency». Ale Hałana pryznaŭsia sudździ, što jaho dotyk miača byŭ apošnim, i arbitr źmianiŭ rašeńnie.
Zialonyja kartki dajucca hulcam za vykanańnie pravił fair play (sumlennaj, hodnaj hulni). Naprykład, kali futbalist adpravić miač za miežy pola, kali supiernik atrymaŭ traŭmu, abo pryznajecca ŭ ździejśnienym fole.