U Breście ŭ DTZ zahinuła žančyna, jakaja lažała na darozie
Upraŭleńnie Śledčaha kamiteta pa Bresckaj vobłaści vyśviatlaje akaličnaści darožna-transpartnaha zdareńnia ŭ Breście, u jakim zahinuła žančyna, što lažała na darozie.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, DTZ mieła miesca 12 kastryčnika kala 20.20 na aŭtadarozie, što viadzie ad trasy M1/E30 (Kamianieckaje kalco) da vulicy Čyrvonahvardziejskaj.
Pavodle papiarednich źviestkach, 46-hadovuju žančynu, jakaja lažała na pałasie ruchu ŭpopierak prajeznaj častki, pierajechali nie mienš za dva transpartnyja srodki. U ich liku aŭtamabil «VAZ», jakim kiravaŭ 26-hadovy žychar Bresta, i «Piežo 406». Za jaho rulom znachodziŭsia 27-hadovy brestaŭčanin.
Žančyna zahinuła na miescy DTZ. Jana pražyvała ŭ vioscy Kamaroŭka Bresckaha rajona.
Śledčym upraŭleńniem USK pa Bresckaj vobłaści raspačataja sprava pa č. 2 art. 317 KK (parušeńnie praviłaŭ darožnaha ruchu, što paciahnuła pa nieaściarožnaści śmierć čałavieka).
Vyśviatlajucca ŭsie abstaviny zdareńnia, u tym liku fizičny stan žančyny na momant DTZ i pryčyna jaje hibieli, ci mieli miesca inšyja fakty najezdu transpartnych srodkaŭ na paciarpiełuju. Pryznačany kompleks sudovych ekśpiertyz.