U Saudaŭskaj Aravii ŭpieršyniu pakarali śmierciu člena karaleŭskaj siamji
U Saudaŭskaj Aravii pryviedzieny ŭ vykanańnie śmiarotny prysud u dačynieńni da prynca Turki bin Sauda al-Kabira. Pakarańnie śmierciu člena karaleŭskaj siamji stała pieršym u historyi manarchii.
Ab pryviadzieńni prysudu ŭ vykanańnie havorycca ŭ paviedamleńni ministerstva zamiežnych spraŭ krainy. Prysud al-Kabiru zaćvierdzili viarchoŭny i apielacyjny sudy Saudaŭskaj Aravii, taksama jaho pakarańnie było sankcyjanavanaje karaleŭskim ukazam.
U 2014 hodzie sud pryznaŭ prynca Turki bin Sauda al-Kabira vinavatym u zabojstvie hramadzianina Saudaŭskaj Aravii Adela al-Machiemida ŭ hrupavoj bojcy ŭ namiotavym miastečku niepadalok ad Er-Ryjada.
Paśla bojki akazałasia, što zabity byŭ siabram prynca. Jak paviedamlali miascovyja ŚMI, palicyju na miesca złačynstva vyklikaŭ sam al-Kabir, paśla čaho jaho zatrymali.
Pa zakonach šaryjatu, dziejučych u Saudaŭskaj Aravii, śmierciu karajecca zabojstva, kantrabanda narkotykaŭ, uzbrojenaje rabavańnie, zhvałtavańnie i bluźnierstva.
Pavodle dadzienych Amnesty International, letaś u krainie było vykanana 158 śmiarotnych prysudaŭ.
Sioleta pakarańnie prynca Turki bin Sauda al-Kabira była 134-m pa liku, paviedamlaje ahienctva Frans pres.