Hrodzienski biznesmien Aleh Zuchavicki vyjšaŭ na volu
Asnoŭny ŭładalnik hrupy meblevych kampanij «ZOV» Aleh Zuchavicki vyjšaŭ na volu. Hetuju infarmacyju paćvierdzili rodnyja biznesmena.
Aleha Zuchavickaha vyzvalili 18 kastryčnika, ciapier jon znachodzicca ŭ Hrodnie. «Pieršaje, što jon staŭ rabić, — telefanavać siabram i rodnym. Nastrojeny pa-bajavomu», — prakamientavaŭ baćka biznesmiena.
Asnoŭny ŭładalnik hrupy meblevych kampanij «ZOV» Aleh Zuchavicki apynuŭsia pad vartaj u lutym 2015 hoda.
Tady KDB Biełarusi raspaŭsiudziŭ paviedamleńnie ab zatrymańni hrupy asob, u jakuju ŭvachodzili pradstaŭniki kiraŭnictva hrupy kampanij «ZOV», a taksama šerahu kamiercyjnych struktur. Ich padazravali ŭ atrymańni cieniavych dachodaŭ z nastupnym vysnovaj srodkaŭ za miežy krainy i niavypłataj padatkaŭ u asabliva bujnym pamiery.
U mai Aleh Zuchavicki vyjšaŭ na volu i praź niekalki tydniaŭ paśla hetaha zapuściŭ u Hrodnie novuju fabryku pa vytvorčaści vyrabaŭ z naturalnaha dreva. Jon taksama kampiensavaŭ škodu na sumu kala 60 młrd rubloŭ. Ale ŭ listapadzie 2015 hoda znoŭ apynuŭsia ŭ niavoli. U žniŭni 2016 hoda stała viadoma, što materyjały pa spravie Zuchavicki nakiravanyja ŭ prakuraturu dla pieradačy ŭ sud.