Padrabiaznaści zabojstva viaskovaj nastaŭnicy: padazravany byŭ vinien joj 60 rubloŭ
Stali viadomyja padrabiaznaści trahiedyi, jakaja adbyłasia 17 kastryčnika ŭ vioscy Šarpiłaŭka Homielskaha rajona.
Nahadajem, pavodle viersii śledčych, 17-hadovy chłopiec napadpitku prakraŭsia ŭ dvor doma, dzie žyła nastaŭnica biełaruskaj movy, i, kali 43-hadovaja žančyna vyjšła z chaty, nanios joj 17 nažavych ranieńniaŭ.
Miascovy žychar raskazali Tut.by, što nibyta chłopiec jašče ź leta pavinien byŭ susiedcy 600 tysiač rubloŭ (ciapier — 60 rubloŭ. — NN.by). Žančyna ŭ apošni čas nahadvała jamu pra doŭh.
Inšy viaskoviec paviedamiŭ «Kamsamolskaj praŭdzie», što sabaka adrazu ŭziaŭ śled, zatrymali troch chłopcaŭ, ale dvuch ź ich paśla adpuścili.
Pra padazravanaha ŭ vioscy kažuć, što paśla 9-ha kłasa jon syšoŭ sa škoły, ale nikudy nie ŭładkavaŭsia. Razam z baćkam, taksama biespracoŭnym, byŭ amataram vypić.