Nazvanyja samyja abaronienyja miesiendžary ŭ śviecie
A jakim miesiendžaram karystajeciesia Vy?
Mižnarodnaja pravaabarončaja arhanizacyja Amnesty International skłała rejtynh abaronienaści miesiendžaraŭ ad niesankcyjanavanaha dostupu da pierapiski karystalnikaŭ.
Składalniki dakłada aceńvali miesiendžary pavodle šerahu kryteraŭ, źviazanych ź biaśpiekaj, pa 100-balnaj sistemie.
Najvyšejšyja adznaki — pa 73 bały — atrymali Facebook Messenger i WhatsApp. Druhi i treci radok padzialili iMessage, FaceTime i Telegram, jakija nabrali pa 67 bałaŭ.
Acenki nižej za 50 bałaŭ atrymali Viber (47), Skype (40), Snapchat (26) i Blackberry (20).
Zamykajuć rejtynh kitajskija miesiendžary QQ i WeChat, biaśpieku jakich u Amnesty International acanili ŭ nul bałaŭ.
Usiaho ŭ rejtynh Amnesty International trapili 16 miesiendžaraŭ ad 11 kampanij.