Šeść tysiač viernych na mšy kardynała Bertone
Dziaržaŭny sakratar Śviatoha pasadu Tarčyzijo Bertone zaviaršyŭ piacidzionny vizyt u Biełaruś, u chodzie jakoha jon naviedaŭ try dyjacezii Biełaruskaha katalickaha kaściołu, pravioŭ pieramovy z pravasłaŭnym mitrapalitam Fiłaretam i biełaruskimi ŭładami. Aprača inšaha jon damoviŭsia ź biełaruskimi ŭładami ab padrychtoŭcy Kankardatu pamiž aficyjnym Mienskam i Vatykanam i atrymaŭ zaprašeńnie ad Alaksandra Łukašenki dla papy rymskaha Benedykta XVI naviedać Biełaruś ź vizytam.
Siońnia kardynał Bertone pravioŭ imšu ŭ Mienskim katedralnym kaściole, na jakuju sabralisia kala 6 tysiač čałaviek. Imša tranślavałasia na vialikija ekrany na dvare.