Bob Dyłan paviedamiŭ, što prymie Nobieleŭskuju premiju pa litaratury
Foto Getty Images
Amierykanski muzyka i paet Bob Dyłan źviazaŭsia sa Šviedskaj akademijaj i apaviaściŭ jaje, što prymie Nobieleŭskuju premiju pa litaratury, prysudžanuju jamu ŭ siaredzinie kastryčnika, paviedamlaje Bi-bi-si.
«Ci prymaju ja premiju? Viadoma», — cytujuć Dyłana ŭ zajavie na sajcie arhanizacyjnaha kamiteta premii.
«Navina pra Nobieleŭskuju premiju pazbaviła mianie movy, — skazaŭ jon u hutarcy z pastajannym sakratarom akademii Saraj Danius. — Ja vielmi caniu akazanuju mnie pašanu».
Ci źjavicca Dyłan na ŭručeńni premii ŭ śniežni, pakul nie viadoma.