U Mahilovie ŭ tralejbusach reklamujuć biełaruski sadok
Dla achvotnych addać svaich dziaciej u hetuju hrupu na abviestkach paznačanyja telefony adździełu adukacyi i sadka.
Dla achvotnych addać svaich dziaciej u hetuju hrupu na abviestkach paznačanyja telefony adździełu adukacyi i sadka. Hrupa farmujecca ź dziaciej ad troch da piaci hod.
Raspracavali abviestku baćki, jakija ad treciaha śniežnia vodziać svaich dziaciej u adzinuju ŭ Mahilovie biełaruskamoŭnuju hrupu. Pavodle adnaho ź ich, Źmitra Sałaŭjova, pakul sorak abviestak na pravach sacyjalnaj reklamy raźmieščanyja tolki ŭ tralejbusach. Jon kaža, što šukaje mahčymaść raźmiaścić abviestki ŭ aŭtobusach i maršrutkach.
U adździele adukacyi paviedamili, što zakryvać biełaruskamoŭnuju hrupu nie źbirajucca. Supracoŭniki adździełu spadziajucca, što reklamavańnie ŭ transparcie dapamoža pavialičyć kolkaść dzietak u hrupie.
Ciapier u adzinuju ŭ Mahilovie biełaruskamoŭnuju hrupu chodziać čaćviora dzietak: Jalinka Sałaŭjova, Mikołka Baciukoŭ, Paŭlik Mochaŭ, Januš Siaredzin.