Pazačarhovy źjezd Hramady projdzie 3 žniŭnia
Na im planujecca ŭnieści źmieny ŭ statut, zaćvierdzić partyjnych kandydataŭ i vyłučyć pradstaŭnikoŭ u vybarčyja kamisii.
Pazačarhovy źjezd Hramady sami partyjcy nazyvajuć «techničnym». Na forumie budzie razhledžany šerah pytańniaŭ, jakija paŭstajuć pierad partyjaj napiaredadni parłamienckich vybaraŭ. Na «techničnym» źjeździe miarkujecca taksama zaćvierdzić źmieny ŭ statut partyi. Imi zadavolenyja nie ŭsie «hramadoŭcy», kaža namieśnik staršyni BSDP (Hramada) Ihar Rynkievič.
‑ Na žal, hetyja źmieny jašče bolej biurakratyzujuć našaje partyjnaje žyćcio. Heta maja acenka.
Vykonvajučy abaviazki staršyni BSDP (Hramada) Anatol Laŭkovič nie razumieje niezadavalnieńnia Ihara Rynkieviča. Jon kaža, što Hramada — demakratyčnaja partyja i luby jaje siabra moža prapanavać svaje źmieny ŭ statut, a źjezd hetuju prapanovu razhledzić.
‑ Partyja pavinna sabrać usie mierkavańni, pravieści dyskusiju dy vystavić heta na sud, to bok na źjezd. Heta jość demakratyja. Kali Rynkievič nie razumieje, što takoje demakratyja, to chaj čytaje padručniki.
Pavodle Anatola Laŭkoviča, hałoŭnaja meta pazačarhovaha źjezdu Hramady — vyłučeńnie kandydataŭ u deputaty, a nie źmieny ŭ statucie.