Prakuratura Ukrainy vyklikała Parašenku na dopyt
Hienieralnaja prakuratura Ukrainy vyklikała na dopyt prezidenta Ukrainy Piatra Parašenku ŭ ramkach rasśledavańnia złačynstvaŭ, učynienych u studzieni-lutym 2014 hoda ŭ dačynieńni da aktyvistaŭ Jeŭramajdana.
«Nakiravanaja ŭ administracyju pozva na 29 listapada», — cytuje načalnika departamienta śpiecyjalnych rasśledavańniaŭ hienprakuratury Ukrainy Siarhieja Harbaciuka Interfaks.
Pavodle dadzienych ukrainskich ŚMI, Parašenka vyklikany na dopyt u jakaści śviedki.
U pačatku listapada Harbaciuk paskardziŭsia, što Parašenka amal try miesiacy nie prychodzić na dopyt.
«My pastajanna čakajem, damoŭlenaści jość, zhoda jość. Adzinaje — što dopytu niama», — zajaviŭ prakuror.
U toj ža dzień pres-sakratar prezidenta Śviatasłaŭ Cahołka paviedamiŭ pra hatoŭnaść Parašenki pryjści na dopyt u HPU paśla aficyjnaha vykliku.
Raniej u ramkach rasśledavańnia złačynstvaŭ, učynienych u studzieni-lutym 2014 hoda ŭ dačynieńni da aktyvistaŭ Jeŭramajdana byli dapytanyja kiraŭnik MUS Arsien Avakaŭ, kiraŭnik RNBA Alaksandr Turčynaŭ, eks-premjer Arsień Jacaniuk i inšyja.