26 listapada — vandroŭka pa miaścinach Słuckaha zbrojnaha čynu
Maładafrontaŭcy zaprašajuć uziać udzieł u śviatkavańni hadaviny Słuckaha zbrojnaha čynu.
27 listapada 1920 hoda patryjoty Biełarusi ŭźniali hieraičnaje paŭstańnie za niezaležnaść našaj krainy. Sioleta ušanavańnie hetaj słaŭnaj padziei adbudziecca 26 listapada — adbudziecca tradycyjnaja vandroŭka ŭ Słucak i navakolle.
Maładafrontaŭcy zaprašajuć na śviatočnuju ekskursiju pa bajavych miaścinach, jakaja skončycca hanarovym pryniasieńniem prysiahi aktyvistami. Vyjezd aŭtobusam ź Miensku a 10-j ranku ŭ subotu 26 listapada. Zbor udzielnikaŭ padarožža a 9:30 kala «Doma bytu», što na vychadzie sa stancyi metro «Instytut kultury». Pažadana brać z saboju termas i kanapki.
Košt pajezdki 15 rubloŭ. Aktyvisty z rehijonaŭ, jakija za svoj košt dabiracca da Miensku i nazad, u ekskursii ŭdzielničajuć biaspłatna. Kolkaść miescaŭ abmiežavanaja. Zapis na pajezdku pa t.: +375 29 83 969 83 (Jaŭhien).