U Lachavickim rajonie pjany piensijanier zadušyŭ svaju žonku
Lachavicki rajonny adździeł Śledčaha kamiteta raspačaŭ spravu pa č. 1 art. 139 KK (zabojstva) u dačynieńni da 62-hadovaha miascovaha žychara.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, mužčyna padazrajecca ŭ tym, što 19 listapada kala 22.00 u svaim pryvatnym domie ŭ vioscy Prančaki zadušyŭ žonku-adnahodku.
Pa słovach piensijaniera, heta adbyłosia ŭ chodzie svarki, kali jon byŭ pjany. Muž i žonka byli ŭ domie ŭdvaich.
Mužčyna sam paviedamiŭ u pravaachoŭnyja orhany ab tym, što zdaryłasia.
Fihurant kryminalnaj spravy zatrymany i źmieščany ŭ izalatar časovaha ŭtrymańnia. Raniej jon nie byŭ sudzimy.