U Kazachstanie deputaty prapanavali pierajmienavać Astanu ŭ Nazarbajeŭ
Z prapanovaj pierajmienavać stalicu Kazachstana ŭ Nazarbajeŭ vystupiŭ deputat nižniaj pałaty parłamienta Kuanyš Sułtanaŭ. Jon taksama prapanavaŭ adznačyć u Kanstytucyi Kazachstana ŭkład Nazarbajeva ŭ «budaŭnictva dziaržavy».
Prezident Kazachstana, kamientujučy prapanovu pierajmienavańnia Astany jaho imieniem, zajaviŭ, što takija rašeńni nieabchodna prymać «suraźmierna taho, što nieabchodna dziaržavie». Pra heta ŭ fejsbuku paviedamiła pres-słužba Nazarbajeva.
Pry hetym sam prezident, pavodle jaho słoŭ, «takich prapanoŭ nie vykazvaŭ».
«Pierajmienavańnie haradoŭ, nasielenych punktaŭ, my budziem vyrašać vielmi ŭzvažana, suraźmierna taho, što nieabchodna dla dziaržavy i krainy», — skazaŭ na zakančeńnie Nazarbajeŭ.