U baranavickaj balnicy pamior 19-hadovy junak, jaki skočyŭ z mosta na čyhunačnyja puci
U Baranavickaj haradskoj balnicy 24 listapada pamior 19-hadovy junak, jaki skočyŭ z mosta na čyhunačnyja šlachi, paviedamiła staršy inśpiektar hrupy infarmacyi i hramadskich suviaziaŭ Baranavickaha HAUS Volha Sakuta.
Pavodle jaje słoŭ, materyjały pravierki pieradadzienyja ŭ Baranavicki mižrajonny adździeł Śledčaha kamiteta.
Nahadajem, uviečary 18 listapada ŭ milicyju patelefanavaŭ vidavočca. Jon paviedamiŭ, što z aŭtadarožnaha mosta na vulicy Savieckaj skočyŭ čałaviek. 19-hadovaha žychara Dziatłaŭskaha rajona Hrodzienskaj vobłaści, jaki ŭpaŭ na rejki, sa šmatlikimi traŭmami špitalizavali ŭ haradskuju balnicu.