Čaćviarych minčukoŭ zatrymali za niezakonny abmien ekzatyčnych valut
Supracoŭniki adździeła pa baraćbie z ekanamičnymi złačynstvami kryminalnaj milicyi Partyzanskaha RUUS Minska ŭ chodzie praviadzieńnia apieratyŭna-vyšukovych mierapryjemstvaŭ zatrymali čaćviarych minčan, jakija ažyćciavili niezakonny abmien niezvyčajnych hrašovych znakaŭ.
Jak paviedamili ŭ rajupraŭleńni milicyi, abmiennaj valutaj byli baty (Tajłand), dyrchamy AAE, fłaryny Aruby, kubinskija piesa, indyjskija rupii, eskuda Kaba-Vierde, funty sterlinhaŭ karaleŭskaha banka Šatłandyi.
Dvoje minčan źjaŭlajucca kalekcyjanierami hrašovych kupiur, a dvoje pryvieźli hrošy ź miescaŭ adpačynku. U ciapierašni čas u dačynieńni da čaćviorki składzienyja administracyjnyja pratakoły.
«Skupka, prodaž, abmien zamiežnaj valuty, jakija ažyćciaŭlajucca bieź śpiecyjalnaha dazvołu (licenzii) abo dziaržaŭnaj rehistracyi, a taksama inšaje niezakonnaje vykarystańnie kaštoŭnych papier i płaciežnych dakumientaŭ u zamiežnaj valucie ciahnuć za saboj administracyjnuju adkaznaść, praduhledžanuju artykułam 11.2 Kodeksa ab administracyjnych pravaparušeńniach, — raspaviała namieśnik načalnika Partyzanskaha RUUS Natalla Kalada. — Sankcyja hetaha artykuła ciahnie nakładańnie štrafu ŭ pamiery da sta bazavych vieličyń z kanfiskacyjaj pradmieta administracyjnaha pravaparušeńnia».