Siarod pasažyraŭ samalota, što raźbiŭsia ŭ Kałumbii, byli 22 futbalisty
Siarod pasažyraŭ samalota, jaki paciarpieŭ katastrofu ŭ Kałumbii, byli 22 futbalisty brazilskaha kłuba «Šapiekaense». Jany nakiroŭvalisia ŭ kałumbijski Medeljin na pieršy matč finału Paŭdniovaamierykanskaha kubka suprać miascovaha «Atletyka Naśjonal». U zajaŭcy «Šapiekaense» byli 23 futbalisty, ale adzin ź ich nie palacieŭ razam z kamandaj.
Pavodle apošnich źviestak, adzin z brazilskich futbalistaŭ — Ałan Rušel — vyžyŭ u avijakatastrofie. Taksama pastupaje niepaćvierdžanaja infarmacyja ab tym, što ŭ liku tych, chto vyžyŭ, — varatar kamandy Daniłu.
Kałumbijskaja radyjostancyja Caracol paviedamlaje, što na borcie samalota, akramia futbalistaŭ, znachodzilisia vosiem supracoŭnikaŭ «Šapiekaense» i 21 žurnalist.